नवनिर्वाचित खासदार मा. प्रतिभाताई धानोरकर यांची आज वणीत भव्य विजयी रॅली व कार्यकर्ता संवाद

वणी, शुभम कडू :              

                चंद्रपूर-वणी-आर्णी लोकसभा मतदारसंघाच्या नवनिर्वाचित खासदार मा. प्रतिभाताई धानोरकर यांची आज दिनांक ०६ जून ला संध्या. ०६:०० वाजता वणीत भव्य विजयी रॅली व कार्यकर्ता संवाद सभा होणार आहे. या रॅली व सभेसाठी मविआ व INDIA आघाडीचे कार्यकर्ते, पदाधिकारी तसेच हितचिंतक व मतदारांनी मोठ्या संख्येने उपस्थित राहावे असे आवाहन संजय रामचंद्रजी खाडे व मित्रपरिवार आणि काँग्रेस कमिटी वणी विधानसभा क्षेत्र च्या वतीने करण्यात आले आहे. 

        चंद्रपूर लोकसभा निवडणुकीचा निकाल

 महाराष्ट्रातील चंद्रपूर लोकसभा मतदारसंघातून काँग्रेसच्या उमेदवार प्रतिभा धानोरकर आणि भाजपचे सुधीर मुनगंटीवार यांच्यात चुरशीची लढत होती. चुरशीच्या लढतीत प्रतिभा धानोरकर   दोन लाखाहून अधिक मतांनी भाजपचे सुधीर मुनगंटीवार यांचा पराभव केला. 

        चंद्रपूर मध्ये सहा विधानसभा क्षेत्राचा समावेश आहे. यामध्ये चंद्रपूर, राजुरा, बल्लारपूर, वरोरा, वणी आणि आर्णी विधानसभा क्षेत्राचा समावेश आहे. वरोरा विधानसभा क्षेत्राच्या आमदार प्रतिभा धानोरकर या महाविकास आघाडीच्या उमेदवार तर बल्लारशाह विधानसभा क्षेत्राचे आमदार जिल्ह्याचे पालकमंत्री सुधीर मुनगंटीवार हे महायुतीचे उमेदवार यासह वंचित बहुजन आघाडीकडून राजेश बेले यांनीही निवडणूक लढविली होती. या निवडणुकीतील महत्वाचे मुद्दे प्रतिभाताई धानोरकर यांच्या बाजूने सहानुभूती, सुधीरभाऊ मुनगंटीवार भाजपचे दिग्गज नेते, दारु बंदीचा मुद्दा, ओबीसी मतदार खूप मोठ्या प्रमाणात होत्या.