शिवसेना नेते तथा राज्याचे मृद व जलसंधारण मंत्री संजय राठोड यांच्या वाढदिवसानिमित्त यवतमाळ जिल्हा संघटक विजय चोरडिया यांच्या पुढाकारातून व लता मंगेशकर हॉस्पिटल, नागपूर यांच्या संयुक्त विद्यमाने आयोजित करण्यात आलेले भव्य मोफत आरोग्य शिबिर सोमवारी जैताई मंदिर परिसरात उत्साहात व यशस्वीपणे पार पडले.
सकाळी ११ ते सायंकाळी ४ वाजेपर्यंत आयोजित या शिबिरात एकूण ५४५ रुग्णांची मोफत आरोग्य तपासणी करण्यात आली. यापैकी ९३ रुग्णांची नेत्र शस्त्रक्रियेसाठी निवड करण्यात आली असून त्यांना पुढील उपचारासाठी संदर्भित करण्यात आले आहे.
जनसामान्यांना दर्जेदार आरोग्यसेवा उपलब्ध करून देण्याच्या उद्देशाने आयोजित या उपक्रमात विविध तज्ज्ञ डॉक्टरांनी रुग्णांची तपासणी करून मोफत औषधांचे वाटप व वैद्यकीय मार्गदर्शन केले. नेत्र तपासणीनंतर पात्र लाभार्थ्यांना मोफत चष्मे देण्याची सुविधाही उपलब्ध करून देण्यात आली.
शिबिराच्या यशस्वी आयोजनानंतर लता मंगेशकर हॉस्पिटलच्या डॉक्टर व वैद्यकीय पथकाचा विजय चोरडिया यांच्या हस्ते शाल, श्रीफळ व पुष्पगुच्छ देऊन सत्कार करण्यात आला. या उपक्रमाच्या यशस्वी आयोजनासाठी शिवसेना, युवासेना व महिला आघाडीच्या पदाधिकारी व कार्यकर्त्यांनी विशेष परिश्रम घेतले. शिबिरामुळे शेकडो गरजू नागरिकांना तज्ज्ञ आरोग्यसेवेचा लाभ मिळाल्याने आयोजकांचे सर्वत्र कौतुक होत आहे.
टिप्पणी पोस्ट करा
0 टिप्पण्या