संजय राठोड यांच्या वाढदिवसानिमित्त वणीत आज मोफत महाआरोग्य शिबिर

 वणी : 

        मृद व जलसंधारण मंत्री तथा यवतमाळ जिल्ह्याचे पालकमंत्री संजयभाऊ राठोड यांच्या वाढदिवसानिमित्त शिवसेना, युवासेना व महिला आघाडी (वणी विधानसभा) यांच्या वतीने लता मंगेशकर हॉस्पिटल, नागपूर यांच्या संयुक्त विद्यमाने यवतमाळ जिल्हा संघटक विजय चोरडिया यांच्या पुढाकारातून भव्य मोफत आरोग्य शिबिर व औषध वाटप कार्यक्रमाचे आयोजन करण्यात आले आहे. हे आरोग्य शिबिर सोमवार, दिनांक 29 जून 2026 रोजी सकाळी 11 ते सायंकाळी 4 वाजेपर्यंत जैताई मंदिर, वणी येथे आयोजित करण्यात आले असून परिसरातील नागरिकांनी या शिबिराचा लाभ घ्यावा, असे आवाहन आयोजकांकडून करण्यात आले आहे.

‎

‎          शिबिरात जनरल फिजिशियन, सर्जरी, बालरोग, नेत्र तपासणी व नेत्र चिकित्सा, मोफत चष्मे वाटप, अस्थिरोग, कान-नाक-घसा, स्त्रीरोग, त्वचारोग आदी विविध विभागांतील तज्ज्ञ डॉक्टरांकडून तपासणी व मार्गदर्शन करण्यात येणार आहे. तसेच गरजू रुग्णांना मोफत औषधांचे वाटपही केले जाणार आहे. कार्यक्रमा दरम्यान उपस्थितांसाठी जेवणाची व्यवस्था करण्यात आली असून वणी, मारेगाव व झरी परिसरातील नागरिकांनी मोठ्या संख्येने उपस्थित राहून आरोग्य सेवांचा लाभ घ्यावा, असे आवाहन शिवसेना पदाधिकाऱ्यांनी केले आहे.

‎

‎      या उपक्रमासाठी वणी येथील तालुका प्रमुख प्रसाद ठाकरे, शहर प्रमुख शिवराज पेचे, मारेगावचे तालुका प्रमुख विशाल किन्हेंकार, शहर प्रमुख विजय मेश्राम तसेच झरीचे तालुका प्रमुख बाळू चेडे व शहर प्रमुख नाना सुगंधे यांच्यासह शिवसेना, युवासेना व महिला आघाडीचे पदाधिकारी परिश्रम घेत आहेत.

‎

‎    संपर्क :

‎

‎शुभम गोरे - 7972284238

‎राहुल पारखी - 9169461616

‎प्रसाद ठाकरे - 9579556932

‎शिवराज पेचे - 9929925255

‎विशाल किन्हेंकार - 8668364937

‎विजय मेश्राम - 9370745327

‎बाळू चेडे - 9373036145