वणी पोलिसांची धडक कारवाई : 20 लाखांचा मुद्देमाल जप्त, तीन आरोपींवर गुन्हा | Wani Crime News ‎

 दीपक चौपाटीवरून सुरू झालेला प्रवास थेट पोलीस ठाण्यात; वणी पोलिसांची धडक कारवाई

‎

‎वणी : 

           यवतमाळ जिल्ह्यातील वणी शहरात अवैध दारू विक्री व वाहतुकीविरोधात वणी पोलिसांनी मोठी कारवाई करत दोन वाहनांसह तब्बल 20 लाख 13 हजार 970 रुपयांचा मुद्देमाल जप्त केला आहे. या प्रकरणी तीन आरोपींविरुद्ध वणी पोलीस ठाण्यात गुन्हा दाखल करण्यात आला असून, या कारवाईची शहरात मोठी चर्चा सुरू आहे.

‎

• ‎दीपक चौपाटी परिसरात पोलिसांना मिळाली गुप्त माहिती
• घुग्घूस रोडवर कारमधून दारूसाठा जप्त
• मोपेडवरून दारू वाहतूक करणारे दोघे ताब्यात
• 20 लाखांचा मुद्देमाल जप्त; तिघांवर गुन्हा
• पोलिसांच्या पथकाने यशस्वी कारवाई केली

‎दीपक चौपाटी परिसरात पोलिसांना मिळाली गुप्त माहिती

‎

        ‎पोलीस निरीक्षक भानुदास पिदुरकर यांच्या आदेशानुसार पोलीस पथक दीपक चौपाटी परिसरात गस्त घालत असताना त्यांना गोपनीय माहिती मिळाली. एका काळ्या रंगाच्या चारचाकी वाहनातून तसेच मोपेडवरून अवैधरित्या दारूची वाहतूक केली जात असल्याची माहिती मिळाल्यानंतर वरिष्ठ अधिकाऱ्यांच्या सूचनेनुसार दोन पंचांच्या उपस्थितीत पोलिसांनी सापळा रचला.

‎

‎

‎घुग्घूस रोडवर कारमधून दारूसाठा जप्त

‎

      ‎घुग्घूस रोडवर संशयास्पदरीत्या जात असलेली MH 42 BE 9395 क्रमांकाची कार अडवून तपासणी करण्यात आली. चालक भारत प्रमोद टोंगे (रा. शिंदोला, ता. वणी) याच्या ताब्यातील वाहनातून विविध कंपनींच्या विदेशी दारूच्या बाटल्या आढळून आल्या.

‎

     ‎या कारवाईत पोलिसांनी 27 हजार 730 रुपयांचा दारूसाठा आणि 19 लाख रुपये किमतीची कार असा एकूण 19 लाख 27 हजार 730 रुपयांचा मुद्देमाल जप्त केला.

‎

‎

‎मोपेडवरून दारू वाहतूक करणारे दोन युवक ताब्यात

‎

      ‎यानंतर काही वेळातच MH 29 BB 0308 क्रमांकाच्या मोपेडवरून दीपक चौपाटी ते पटवारी कॉलनीकडे जात असलेल्या दोन संशयितांना पोलिसांनी अडवले. सुमित उद्धव झुंगे (वय 19) आणि शुभम अनंता वाघमारे, दोघेही रा. लालगुडा, वणी, यांच्या ताब्यातील पिशवीची तपासणी केली असता त्यामध्ये विविध कंपनींच्या दारूच्या बाटल्या आढळून आल्या.

‎

     ‎या कारवाईत 6 हजार 240 रुपयांचा दारूसाठा आणि 80 हजार रुपये किमतीची मोपेड जप्त करण्यात आली.

‎

‎

‎वणी पोलिसांनी 20 लाखांहून अधिक किमतीचा मुद्देमाल जप्त केला

‎

‎        दोन्ही कारवायांमध्ये पोलिसांनी 20 लाख 13 हजार 970 रुपयांचा मुद्देमाल जप्त केला असून, संबंधित तिन्ही आरोपींविरुद्ध वणी पोलीस ठाण्यात गुन्हा दाखल करण्यात आला आहे.

‎

‎या पोलिस पथकाने केली कारवाई

‎

‎        ही कारवाई पोलीस अधीक्षक, अपर पोलीस अधीक्षक, उपविभागीय पोलीस अधिकारी सुरेश दळवे तसेच पोलीस निरीक्षक भानुदास पिदुरकर यांच्या मार्गदर्शनाखाली पोउपनि साजीद सैय्यद, पोहेका गजानन सावसाकडे, मारोती पाटील, पुरुषोत्तम डडमल, रितेश भोयर, मोनेश्वर खंडरे, नंदकुमार पुप्पलवार, माधव दहिकांबळे आणि गजानन कुळमथे यांनी पार पाडली.

‎

‎SK News Channel

     वणी, यवतमाळ आणि महाराष्ट्रातील ताज्या घडामोडी, क्राईम न्यूज, राजकारण, शेती, शिक्षण आणि ब्रेकिंग न्यूजसाठी www.sknewschannel.online ला नियमित भेट द्या.