झरी :
तालुक्यातील एका गावात विवाहितेला पती, सासू व सासऱ्यांनी मारहाण करून जीवे मारण्याची धमकी दिल्याची घटना घडली. याप्रकरणी पोलिसांनी तिघांविरुद्ध गुन्हा दाखल केला आहे.
पोलिसांनी दिलेल्या माहितीनुसार, पीडित महिलेने काही महिन्यांपूर्वी प्रेमविवाह केला होता. सुरुवातीला वैवाहिक जीवन सुरळीत सुरू असताना नंतर पतीकडून दारूच्या नशेत वारंवार त्रास दिला जात असल्याचा आरोप तक्रारीत करण्यात आला आहे.
दि. १४ जून रोजी रात्री पती दारूच्या नशेत घरी आल्यानंतर त्याने पत्नीला मारहाण केल्याचे सांगण्यात आले. यामध्ये काचेच्या बाटलीने व काठीने मारहाण झाल्याने महिलेला दुखापत झाली. त्यानंतर सासू व सासऱ्यांनीही मारहाण करून शिवीगाळ तसेच जीवे मारण्याची धमकी दिल्याचा आरोप तक्रारीत नमूद आहे.
घटनेनंतर पीडित महिला माहेरी गेली व पोलिस ठाण्यात तक्रार दाखल केली. तक्रारीवरून पोलिसांनी पती, सासू व सासऱ्यांविरुद्ध भारतीय न्याय संहिता (बीएनएस) २०२३ अंतर्गत विविध कलमान्वये गुन्हा नोंदवून पुढील तपास सुरू केला आहे.
टिप्पणी पोस्ट करा
0 टिप्पण्या