मारेगाव :
स्थानिक गुन्हे शाखेने घरफोडी प्रकरणातील फरार आरोपीला अटक केली. नथ्थु नागू कुरकुटे (वय ३०, रा. मोहदरी, ता. उमरखेड) हा मारेगाव पोलीस ठाण्यातील घरफोडी प्रकरणात फरार होता.
१ मे रोजी पुसद–उमरखेड मार्गावरील कोपरा फाटा येथे तो फिरत असल्याची माहिती मिळताच पोलिसांनी सापळा रचून त्याला ताब्यात घेतले. झडतीदरम्यान त्याच्याकडून सोन्या-चांदीचे दागिने जप्त करण्यात आले.
चौकशीत आरोपीने आणखी एका घरफोडीची कबुली दिली असून या कारवाईत एकूण ९ लाख ३० हजार ३०८ रुपयांचा मुद्देमाल जप्त करण्यात आला आहे. आरोपीला पुढील तपासासाठी मारेगाव पोलिसांच्या ताब्यात देण्यात आले आहे.
ही कारवाई पोलीस अधीक्षक कुमार चिंता, अप्पर पोलीस अधीक्षक अशोक थोरात यांच्या मार्गदर्शनाखाली, पोलीस निरीक्षक सतीश चवरे यांच्या नेतृत्वात करण्यात आली.
टिप्पणी पोस्ट करा
0 टिप्पण्या