आमदार देरकर यांनी दिलेला शब्द पाळला; रस्त्याच्या कामास मुहूर्त

वणी :

‎          तालुक्यातील सावर्ला ते कोणा या प्रलंबित रस्त्याच्या कामास अखेर मुहूर्त लागला असून मुख्यमंत्री ग्राम सडक योजना २०२५-२६ अंतर्गत या महत्त्वपूर्ण रस्त्याचे भूमिपूजन आज मोठ्या उत्साहात पार पडले.

‎           कार्यक्रमाला प्रमुख उपस्थिती म्हणून संजय नि. देरकर (आमदार, वणी विधानसभा व संपर्क प्रमुख, चंद्रपूर वणी-आणी लोकसभा क्षेत्र) यांनी उपस्थित राहून रस्त्याच्या कामाचा शुभारंभ केला. यावेळी त्यांनी ग्रामस्थांशी संवाद साधत विकासकामांना प्राधान्य देण्याचा निर्धार व्यक्त केला.

‎           सदर रस्त्याचे काम पूर्ण झाल्यानंतर सावर्ला व कोणा परिसरातील नागरिकांना दर्जेदार व पक्का रस्ता उपलब्ध होणार असून दळणवळण अधिक सोयीस्कर होईल. यामुळे शैक्षणिक, आरोग्य व आर्थिक दृष्टीनेही परिसराच्या विकासाला चालना मिळणार आहे.

‎

‎                 या प्रसंगी गावचे सरपंच, उपसरपंच, ग्रामसेवक, ग्रामपंचायत सदस्य, स्थानिक मान्यवर तसेच मोठ्या संख्येने ग्रामस्थ उपस्थित होते. कार्यक्रमात ग्रामस्थांनी समाधान व्यक्त करत रस्त्याचे काम लवकर पूर्ण करण्याची अपेक्षा व्यक्त केली.

‎