वणी विधानसभा मतदारसंघाचे कार्यतत्पर, लोकप्रिय आणि जनतेच्या विश्वासास पात्र असलेले आमदार मा. श्री. संजयभाऊ देरकर यांचा वाढदिवस वणी विधानसभा क्षेत्रात मोठ्या उत्साहात व आनंदी वातावरणात साजरा होत आहे. त्यांच्या वाढदिवसानिमित्त सर्व स्तरातून त्यांच्यावर शुभेच्छांचा वर्षाव होत असून सामाजिक, राजकीय व विकासात्मक क्षेत्रातील त्यांच्या कार्याचा गौरव केला जात आहे.
आमदार संजयभाऊ देरकर हे सामान्य जनतेच्या प्रश्नांसाठी सातत्याने लढणारे, लोकहिताला प्राधान्य देणारे आणि विकासाभिमुख नेतृत्व म्हणून ओळखले जातात. शेतकरी, कष्टकरी, युवक, महिला तसेच दुर्बल घटकांच्या समस्या मार्गी लावण्यासाठी त्यांनी नेहमीच पुढाकार घेतला आहे. वणी विधानसभा मतदारसंघातील रस्ते, पाणीपुरवठा, आरोग्य, शिक्षण, रोजगार तसेच मूलभूत सुविधांच्या विकासासाठी त्यांनी केलेले कार्य उल्लेखनीय असून त्यांच्या प्रयत्नांमुळे मतदारसंघात विकासाची नवी दिशा मिळाली आहे.
त्यांच्या वाढदिवसानिमित्त वणी विधानसभा क्षेत्रातील समस्त शिवसेना, युवासेना, महिला आघाडी पदाधिकारी तसेच समस्त शिवसैनिक (उद्धव बाळासाहेब ठाकरे) यांच्या वतीने आमदार संजयभाऊ देरकर यांना मनःपूर्वक वाढदिवसाच्या हार्दिक शुभेच्छा देण्यात आल्या. त्यांच्या नेतृत्वाखाली शिवसेनेची संघटनात्मक ताकद अधिक बळकट होवो, तसेच जनतेच्या सेवेसाठी त्यांचे कार्य अखंड सुरू राहो, अशा भावना यावेळी व्यक्त करण्यात आल्या.
आमदार संजयभाऊ देरकर यांना उत्तम आरोग्य, दीर्घायुष्य, राजकीय व सामाजिक जीवनात अधिकाधिक यश मिळो आणि त्यांच्या मार्गदर्शनाखाली वणी विधानसभा मतदारसंघाचा सर्वांगीण विकास अधिक वेगाने साधला जावो, अशा सदिच्छा शिवसेना परिवाराच्या वतीने व्यक्त करण्यात आल्या आहेत.
टिप्पणी पोस्ट करा
0 टिप्पण्या