भाजपाच्या नेतृत्वात घरभेट मोहीम जोमात — प्रभागाच्या प्रगतीसाठी मतांची मागणी

 वणी :

            नगरपरिषद निवडणुकीचे काउंटडाउन सुरू होताच वणी शहरातील राजकीय वातावरण तापले असून प्रचार मोहिमांना जोरदार वेग आला आहे. याच पार्श्वभूमीवर प्रभाग क्र. ०८ मधील ०८ अ वार्डाच्या उमेदवार सौ. प्रेमिला मनोज चौधरी आणि ०८ ब वार्डाचे उमेदवार कुणाल संजय सोमशेट्टीवार यांच्या समर्थनार्थ भव्य घरदार संपर्क मोहिमेचे आयोजन करण्यात आले.

         ही मोहीम माजी आमदार संजीवरेड्डी बोदकुरवार यांच्या प्रभावी नेतृत्वाखाली राबविण्यात आली. प्रभागातील प्रत्येक गल्लीत, प्रत्येक घरी जाऊन नागरिकांशी थेट संवाद साधण्यात आला. स्थानिक समस्यांची माहिती घेताना नागरिकांकडून उत्स्फूर्त प्रतिसाद मिळाल्याचे चित्र दिवसाभर पाहायला मिळाले.

     या मोहिमेत विशेषतः उपस्थित भाजपा जिल्हाध्यक्ष तारेंद्र बोर्डे, भाजपा वणी शहराध्यक्ष ॲड. निलेश चौधरी, भाजपा शहर उपाध्यक्ष सत्यजीत ठाकुरवार, भाजपा शहर जैन प्रकोष्ठ सेलचे अध्यक्ष शुभम छाजेड तसेच भाजपाचे पदाधिकारी, महिला आघाडी, युवा मोर्चा आणि मोठ्या संख्येने कार्यकर्त्यांनी उत्साहाने सहभाग नोंदविला.

           प्रचारादरम्यान नागरी सुविधा, रस्ते, पिण्याच्या पाण्याचा प्रश्न, आरोग्य, स्वच्छता, महिलांसाठी उपयुक्त योजना आणि युवकांसाठी रोजगार संधी याबाबत सविस्तर चर्चा झाली.

         उमेदवारांनी स्पष्ट आश्वासन दिले की —

                “निवडून दिल्यास प्रभागाचा सर्वांगीण विकास हा आमच्या कामाचा पहिला केंद्रबिंदू असेल. पारदर्शकता, विकास आणि लोकसहभाग याच्या आधारे पुढील ५ वर्षांत प्रभाग आदर्श बनवू.”

              माजी आमदार संजीवरेड्डी बोदकुरवार यांनी जनतेशी संवाद साधताना सांगितले —

“भाजपाच्या विकासाभिमुख नेतृत्वावर विश्वास ठेवा. आज ज्याप्रमाणे जनता आमच्यावर प्रेम आणि विश्वास दाखवत आहे, त्यातून विजयोत्सवाचे स्पष्ट संकेत मिळत आहेत.”

           प्रभागातील वातावरण उत्साहात रंगले असून मतदार मोठ्या प्रमाणात प्रचार मोहिमेत सहभागी होत आहेत. शेवटी उमेदवारांनी सर्व नागरिकांना विनंती केली—

“आपल्या अमूल्य आशिर्वाद आणि सहकार्याची आम्हाला मनःपूर्वक अपेक्षा आहे. प्रभागाच्या उज्ज्वल भविष्यासाठी योग्य निर्णय घ्या.”