भव्य शक्तिप्रदर्शनाने वणी दुमदुमली — शिवसेना (शिंदे) गटाच्या प्रचार कार्यालयाचे दमदार उद्घाटन

वणी :

           नगरपरिषद निवडणुकीच्या पार्श्वभूमीवर वणीतील राजकीय तापमान चांगलेच चढले असून शिवसेना (शिंदे) गटाने ताकदीचे प्रदर्शन करत आपल्या प्रचारयंत्रणेला आक्रमक वेग दिला आहे. दिनांक २० नोव्हेंबर २०२५ रोजी श्री राम मंदिरासमोर पक्षाच्या प्रचार कार्यालयाचे भव्य उद्घाटन जल्लोषात पार पडले. परिसरात झालेल्या प्रचंड जयघोषाने संपूर्ण वातावरण दणाणून गेले.

          उद्घाटन सोहळ्याला विजय बाबू चोरडिया, माननीय विनोद मोहितकर, राजू देवडे, उमेश वैरागडे, शुभम गोरे, तसेच वणी नगरपरिषद अध्यक्ष पदाच्या उमेदवार कुमारी पायल तोडसाम यांच्यासह सर्व नगरसेवक उमेदवार आणि शेकडो कार्यकर्ते मोठ्या संख्येने उपस्थित होते. उत्साहाने आणि शिवसेनेच्या घोषणांनी संपूर्ण परिसर नव्या उर्जेने भरून गेला.

       कार्यक्रमादरम्यान वक्त्यांनी आगामी निवडणुकीत विकासाचा नवा अध्याय सुरू करण्यासाठी शिवसेना (शिंदे) गटच समर्थ पर्याय असल्याचा ठाम विश्वास व्यक्त केला. तसेच "वणीच्या विकासासाठी शिवसेना (शिंदे) गट एकदिलाने लढणार" असा निर्धार उपस्थित कार्यकर्त्यांनी व्यक्त केला.

    भव्य उपस्थिती, तुफानी उत्साह आणि आक्रमक रणनीती पाहता पुढील निवडणुकीत शिवसेना (शिंदे) गटाकडून जोरदार लढत होणार हे स्पष्ट झाले आहे. वणीतील सर्वांचे लक्ष आता आगामी प्रचार मोहिमेकडे लागले आहे.