तुकडोजी महाराजांच्या विचारांनी गुंजला जिजाऊ इंग्लिश मीडियम स्कूलचा प्रांगण

रासाई – 

                 जिजाऊ इंग्लिश मीडियम स्कूल, रासाई येथे वंदनीय राष्ट्रसंत तुकडोजी महाराज यांच्या पुण्यतिथीनिमित्त श्रद्धांजली कार्यक्रम अत्यंत श्रद्धाभावाने पार पडला. या कार्यक्रमाचे अध्यक्षस्थान संस्थेचे सचिव अरविंदजी उरकुडे सर यांनी भूषविले, तर प्रमुख पाहुणे म्हणून मुख्याध्यापिका वर्षा उरकुडे मॅडम उपस्थित होत्या.

           कार्यक्रमाचे सूत्रसंचालन निकिता वरारकर मॅडम यांनी केले. कार्यक्रमास जवादे मॅडम, मून मॅडम, कोटरंगे मॅडम, सोनटक्के मॅडम, तृप्ती मॅडम, पिदुरकर मॅडम तसेच प्रमोद सर उपस्थित होते. कार्यक्रमाच्या शेवटी राधिका मॅडम  यांनी आभारप्रदर्शन केले.

                 कार्यक्रमाची सुरुवात दीपप्रज्वलन आणि राष्ट्रसंत तुकडोजी महाराज यांच्या प्रतिमेस पुष्पांजली अर्पण करून करण्यात आली. त्यानंतर विद्यार्थ्यांनी व शिक्षकांनी राष्ट्रसंतांच्या जीवनकार्यावर आधारित माहितीपूर्ण भाषणे सादर केली. तुकडोजी महाराजांचे ग्रामस्वच्छता, आत्मनिर्भरता आणि राष्ट्रीय एकतेचे संदेश विद्यार्थ्यांनी आपल्या वक्तृत्वातून प्रभावीपणे मांडले.

              या प्रसंगी अध्यक्ष अरविंदजी उरकुडे सर यांनी आपल्या मनोगतात राष्ट्रसंत तुकडोजी महाराज यांच्या विचारांचे आजच्या पिढीसाठी असलेले महत्त्व अधोरेखित केले. त्यांनी सांगितले की, “तुकडोजी महाराजांनी दिलेला समाजसेवेचा आणि राष्ट्रप्रेमाचा आदर्श प्रत्येक विद्यार्थ्याने आत्मसात करावा.”

                प्रमुख पाहुण्या वर्षा उरकुडे मॅडम यांनी विद्यार्थ्यांना प्रेरणादायी मार्गदर्शन करताना तुकडोजी महाराजांच्या जीवनातून मिळणाऱ्या शिकवणीचा जीवनात अवलंब करण्याचे आवाहन केले.

              संपूर्ण कार्यक्रमात विद्यार्थ्यांचा उत्साह आणि शिक्षकांचा सहभाग उल्लेखनीय होता. कार्यक्रमाचे वातावरण भक्तिमय आणि प्रेरणादायी बनले होते.