🏍️ मजुराचा आधारच लंपास – दिवसाढवळ्या मोटरसायकल चोरीमुळे नागरिकांमध्ये भीतीचे वातावरण

मारेगाव :

              शहरात पुन्हा एकदा दिवसाढवळ्या वाहनचोरीची घटना घडली आहे. विशाल महादेव लाव्हे (वय ३२, व्यवसाय मजुरी) यांची मोटरसायकल अज्ञात इसमाने लंपास केल्याची तक्रार मारेगाव पोलीस ठाण्यात दाखल झाली आहे.

📌 घटनेचा तपशील :-

              दि. २२ सप्टेंबर २०२५ रोजी सायंकाळी साधारण ८.३० वाजता, विशाल लाव्हे हे मारेगाव मेन रोडवरील काकडे पान सेंटर येथे खर्रा घेण्यासाठी आले होते. त्यांनी आपली स्प्लेंडर प्लस मोटरसायकल पानठेल्यासमोर रस्त्यावर उभी करून, चावी न काढता पान घेण्यासाठी आत गेले.

          काही वेळात खर्रा घेऊन परत आल्यानंतर मोटरसायकल जागेवर दिसली नाही. तत्काळ त्यांनी मित्रासह मारेगाव- वणी रोडवरील गौराळा फाट्याजवळ व परिसरात शोध घेतला. मात्र वाहनाचा काहीच मागमूस लागला नाही.

📌 चोरीस गेलेल्या मोटरसायकलीचा तपशील :-

वाहन : स्प्लेंडर प्लस (निळा-पांढरा पट्टा असलेली)

वाहन क्रमांक : MH-29 AL-2075

अंदाजे किंमत : ₹२०,०००/-

📌 पोलिसांत गुन्हा दाखल :-

          या प्रकरणी मारेगाव पोलिसांनी भारतीय न्याय संहिता (बी.एन.एस.) २०२३, कलम ३०३(२) नुसार गुन्हा दाखल करून पुढील तपास सुरू केला आहे.

📌 नागरिकांमध्ये भीतीचे वातावरण :-

              शहरात दिवसाढवळ्या चोरीसारख्या घटना वाढल्याने नागरिकांमध्ये भीतीचे वातावरण आहे. मजुराचा रोजीरोटीवर अवलंबून असलेला हक्काचा वाहन चोरीस जाणे ही दुर्दैवी बाब मानली जात आहे. नागरिकांनी पोलिसांनी तातडीने कारवाई करून चोरट्यांचा शोध घ्यावा, अशी मागणी केली आहे.