स्वातंत्र्यदिनानिमित्त रंगनाथ स्वामी पतसंस्थेत उत्साहात ध्वजारोहण

 वणी :

            स्वातंत्र्यदिनानिमित्त वणी येथील श्री रंगनाथ स्वामी नागरी सहकारी पतसंस्था मर्यादितच्या मुख्य शाखेत ध्वजारोहण सोहळा उत्साहपूर्ण आणि देशभक्तीमय वातावरणात पार पडला. संस्थेचे अध्यक्ष ॲड. देविदासजी काळे यांच्या शुभहस्ते ध्वजारोहण करण्यात आले.

          ध्वजारोहणानंतर राष्ट्रगीताच्या सुरांनी परिसर दुमदुमून गेला. यावेळी संस्थेचे उपाध्यक्ष, संचालक मंडळाचे सदस्य, अधिकारी व कर्मचारी, प्रमुख मान्यवर, सभासद तसेच ग्राहक मोठ्या संख्येने उपस्थित होते.

           यावेळी ॲड. देविदासजी काळे यांनी स्वातंत्र्यदिनाचे महत्त्व सांगताना देशाच्या स्वातंत्र्यासाठी बलिदान देणाऱ्या स्वातंत्र्यसैनिकांना अभिवादन केले. तसेच सहकार क्षेत्रात पारदर्शकता, विश्वासार्ह ग्राहकसेवा आणि समाजहिताची भावना जोपासत संस्थेची वाटचाल सुरू असल्याचे त्यांनी नमूद केले.

            कार्यक्रमाच्या प्रारंभी संस्थेच्या व्यवस्थापकांनी प्रास्ताविक केले. त्यानंतर उपस्थित मान्यवरांनी स्वातंत्र्यदिनाच्या शुभेच्छा दिल्या. आभारप्रदर्शनानंतर राष्ट्रभक्तीपर गीतांच्या गजरात कार्यक्रमाची सांगता झाली. संपूर्ण कार्यक्रमातून देशप्रेम, एकात्मता आणि सहकारभावनेचा संदेश देण्यात आला.