‎एक फोन, एक बातमी… आणि घरात उडाली धावपळ! मुलगी बेपत्ता

‎वणी :

‎           शहरात एक धक्कादायक घटना समोर आली असून, 13 वर्षीय अल्पवयीन मुलगी अचानक बेपत्ता झाल्याने खळबळ उडाली आहे. प्राप्त माहितीनुसार, वणीतील एका कुटुंबातील मुलगी दि. 3 मार्च रोजी दुपारी संतोषी माता मंदिर परिसरातून रहस्यमयरीत्या गायब झाली.

‎

‎         कुटुंबीयांच्या म्हणण्यानुसार, मुलगी दुपारी मंदिरात दिसली होती आणि त्यानंतर घरी परत येण्यासाठी निघाली, मात्र ती घरी पोहोचलीच नाही. नातेवाईक व मित्रपरिवाराने शहरात सर्वत्र शोध घेतला, तरीही तिचा कोणताही ठावठिकाणा लागलेला नाही. विशेष म्हणजे, तिच्या मोबाईलवर कॉल केल्यास रिंग जाते, पण प्रतिसाद मिळत नसल्याने संशय अधिकच गडद झाला आहे.

‎

‎       या प्रकरणात अज्ञात इसमाने अल्पवयीन मुलीला फूस लावून पळवून नेल्याचा गंभीर आरोप करण्यात आला असून, वणी पोलीस स्टेशनमध्ये भारतीय न्याय संहिता (BNS) कलम 137(2) अंतर्गत गुन्हा दाखल करण्यात आला आहे.