घरकाम करताना काळाचा घाला, ३५ वर्षीय महिलेचा दुर्दैवी मृत्यू ‎ ‎

‎

वणी :

‎            शास्त्रीनगर परिसरात आज सकाळी घडलेल्या दुर्दैवी घटनेने संपूर्ण परिसर हादरला आहे. विजेचा धक्का लागून एका ३५ वर्षीय महिलेचा मृत्यू झाल्याने नागरिकांमध्ये भीतीचे वातावरण निर्माण झाले आहे.

‎

‎          सौ. छाया नंदकिशोर घुले या आपल्या घरात मोटारने पाणी भरत असताना अचानक विजेचा धक्का बसल्याची माहिती समोर आली आहे. या घटनेत त्यांचा मृत्यू झाला असून परिसरात हळहळ व्यक्त होत आहे.

‎

‎        घटनेची माहिती मिळताच वणी पोलिसांनी घटनास्थळी धाव घेतली व पुढील तपास सुरू केला आहे. या प्रकारामुळे नागरिकांनी अधिक सतर्क राहण्याची गरज व्यक्त केली जात आहे.