प्रा. विजय बोबडे यांच्या प्रास्ताविकातून गाडगेबाबांचे जीवनकार्य उजागर ‎

‎वणी :

‎          संत गाडगे महाराज यांच्या जयंतीनिमित्त क्रांतीज्योती सावित्रीबाई फुले सार्वजनिक वाचनालय, विठ्ठलवाडी वणी येथे अत्यंत उत्साहपूर्ण आणि प्रेरणादायी कार्यक्रमाचे आयोजन करण्यात आले. समाजप्रबोधन, स्वच्छता आणि मानवतेचा संदेश देणाऱ्या गाडगेबाबांच्या कार्याचा गौरव या कार्यक्रमातून करण्यात आला.

      

    कार्यक्रमाच्या अध्यक्षस्थानी प्रा. बाळासाहेब राजुरकर, तर प्रमुख पाहुणे म्हणून प्रभाकरराव मोहितकर उपस्थित होते. कार्यक्रमाचे प्रभावी प्रास्ताविक वाचनालयाचे सचिव प्रा. विजय बोबडे यांनी केले. आपल्या प्रास्ताविकातून त्यांनी वाचनालयाच्या माध्यमातून अशा जयंती साजऱ्या करण्यामागील सामाजिक व शैक्षणिक भूमिका स्पष्ट केली. तसेच संत गाडगे महाराज यांच्या जीवनकार्याचा सखोल आढावा घेत स्वच्छता, अंधश्रद्धा निर्मूलन आणि शिक्षण याबाबत त्यांनी दिलेल्या संदेशाचे महत्त्व अधोरेखित केले.

      यावेळी अध्यक्ष प्रा. बाळासाहेब राजुरकर यांनी आपल्या भाषणात गाडगेबाबांच्या कार्याचे आजच्या काळातही असलेले महत्त्व विशद केले. प्रमुख पाहुणे प्रभाकरराव मोहितकर यांनीही विद्यार्थ्यांनी आणि नागरिकांनी गाडगेबाबांच्या विचारांचा अवलंब करून समाजहितासाठी कार्य करण्याचे आवाहन केले.

  

    कार्यक्रमाचे बहारदार सूत्रसंचालन वाचनालयाचे कोषाध्यक्ष अशोक चौधरी यांनी केले, ज्यामुळे संपूर्ण कार्यक्रम अधिक रंगतदार व सुरळीत पार पडला.

        कार्यक्रमाला वाचनालयातील वाचक, कर्मचारी तसेच स्थानिक नागरिक मोठ्या संख्येने उपस्थित होते. सर्वांनी मोठ्या उत्साहात सहभाग नोंदवून कार्यक्रमाची शोभा वाढवली. कार्यक्रमाचे आभार प्रदर्शन सहसचिव गजेंद्र भोयर यांनी केले.