सावित्रीमाई जयंतीनिमित्त, डॉ. विनोदकुमार आदे समाज गौरवाने सन्मानित ‎

वणी :

‎           श्री क्षत्रिय कोसरे माळी समाज (विदर्भ), नागपूर संस्थेच्या वतीने क्रांतीज्योती सावित्रीमाई फुले यांच्या जयंतीनिमित्त रविवारी (दि. ४ जानेवारी २०२६) नागपूर येथे भव्य महोत्सवाचे आयोजन करण्यात आले. यावेळी यवतमाळ जिल्ह्यातील कलावंत, साहित्यिक व संपादक डॉ. विनोदकुमार आदे यांना २०२६ चा समाज गौरव पुरस्कार प्रदान करण्यात आला.

‎

‎         कला, साहित्य, संशोधन व समाजप्रबोधन क्षेत्रातील त्यांच्या दीर्घकालीन व भरीव कार्याची दखल घेऊन हा पुरस्कार देण्यात आला. याप्रसंगी विविध सामाजिक विषयांवर आधारित त्यांच्या सर्जनशील कार्याचा गौरव करण्यात आला.

‎

‎        कार्यक्रमाला विविध क्षेत्रांतील मान्यवरांची उपस्थिती होती. सावित्रीमाई फुले यांच्या विचारांचा जागर करत समाजातील तरुणांनी शिक्षण, कला व सामाजिक कार्यात सक्रिय सहभाग घ्यावा, असे आवाहन यावेळी करण्यात आले. या महोत्सवाला समाजबांधवांनी सहकुटुंब मोठ्या संख्येने उपस्थिती लावली.