आगामी सर्व निवडणुका पूर्ण ताकदीनिशी लढणार - मनसे नेते राजू उंबरकर

 वणी :

           नगरपरिषद, जिल्हा परिषद आणि पंचायत समितीच्या निवडणुकांचे बिगुल वाजताच सर्वच राजकीय पक्षांनी आपली मोर्चेबांधणी सुरू केली आहे. याच पार्श्वभूमीवर, महाराष्ट्र नवनिर्माण सेनेने आज ( दिनांक ०२ नोव्हेंबर २०२५) रोजी एक महत्त्वपूर्ण बैठक आयोजित करून आगामी सर्व निवडणुका पूर्ण ताकदीनिशी लढण्याचा निर्धार व्यक्त केला आहे. पक्षनेते राजू उंबरकर यांच्या प्रमुख उपस्थितीत ही बैठक आज स्थानिक मध्यवर्ती कार्यालयात उत्साहाच्या वातावरणात पार पडली.

                  वणी नगर परिषदेचे नगराध्यक्ष पद अनुसूचित जमाती महिला यासाठी आरक्षित झाले आहे, तसेच मतदारसंघातील सर्व जिल्हा परिषद, पंचायत समिती व वणी नगरपालिकेचे आरक्षणही जाहीर झाले आहे. या बदललेल्या राजकीय समीकरणांवर भाष्य करताना मनसे नेते राजू उंबरकर यांनी ठाम मत व्यक्त केले की, महाराष्ट्र नवनिर्माण सेनेकडे या सर्व जागांवर सक्षम व जनसंपर्क असलेले उमेदवार उपलब्ध आहेत. यामुळे मनसे या सर्व निवडणुका संपूर्ण ताकदीनिशी लढणार आहे.

 

📌 इच्छुक उमेदवारांना आवाहन : 

        राजू उंबरकर यांनी यावेळी आगामी निवडणुकांसाठी इच्छुक असलेल्या उमेदवारांना आपले अर्ज मनसेच्या मध्यवर्ती कार्यालयामध्ये दिनांक ०६ नोव्हेंबर पर्यंत सादर करण्याचे आवाहन केले आहे.

            राजकीय विश्लेषकांच्या मते, महाराष्ट्र नवनिर्माण सेनेसाठी या निवडणुका सोयीस्कर ठरण्याची शक्यता आहे. याचे कारण म्हणजे, यापूर्वी मनसेकडे वणी नगरपालिकेची सत्ता होती, तसेच तालुक्यातील एक जिल्हा परिषद आणि पंचायत समितीची जागाही मनसेने निवडून आणली होती. या माजी सत्तेच्या अनुभवाचा आणि सातत्याने असलेल्या जनसंपर्काचा फायदा मनसेला या निवडणुकीत होणार असल्याचे मत जाणकार व्यक्त करत आहेत.

             मनसेची जनमानसात असलेली नाळ अजूनही कायम आहे. राजू उंबरकर यांच्या नेतृत्वाखाली मतदारसंघात विविध सामाजिक आणि लोककल्याणकारी कामे करण्यात आली आहेत, ज्याचा सकारात्मक परिणाम मनसेच्या उमेदवारांच्या विजयात दिसून येईल, असा विश्वास व्यक्त होत आहे.

         आजच्या महत्त्वपूर्ण बैठकीस मनसेचे अनेक ज्येष्ठ पदाधिकारी आणि कार्यकर्ते उपस्थित होते. यात मनसे महिला सेनेच्या राज्य उपाध्यक्ष तथा माजी जिल्हा परिषद सदस्या अलका टेकाम, शेतकरी सेना जिल्हाध्यक्ष रमेश पेचे, मनसे महिला सेना जिल्हाध्यक्ष अर्चना बोदाडकर, जिल्हा उपाध्यक्ष संतोष रोगे, महेश हातगावकर, वणी तालुकाध्यक्ष फाल्गुन गोहोकार, मारेगाव तालुकाध्यक्ष रूपेश ढोके, अरुणा थेरे, गोविंदराव थेरे, शहराध्यक्ष अंकुश बोढे, माजी नगराध्यक्षा प्रिया लभाणे, माजी आरोग्य सभापती धनंजय त्रिंबके, माजी नगरसेवक प्रकाश पिंपळकर, खरेदी विक्री संघाचे संचालक विनोद कुचनकर, परशुराम खंडाळकर, दिलीप मस्के, विलन बोदाडकर, चांद बहादे, राकेश शंकावार, हरीभाऊ कालेकार, शंकर पिंपळकर, मयूर गेडाम, लक्की सोमकुंवर, सूरज नागोसे, उदय खिरटकर, वैशाली तायडे, शबनम शेख, ज्योती मेश्राम, मेघा तांबेकर, राहुल पानघाटे, काशीनाथ कुमरे, प्रफुल चुक्कलवार,यांच्यासह अन्य पदाधिकारी व कार्यकर्ते मोठ्या संख्येने उपस्थित होते.

         मनसेच्या या जोरदार मोर्चेबांधणीमुळे आगामी स्थानिक स्वराज्य संस्थांच्या निवडणुकीत राजकीय वातावरण चांगलेच तापणार आहे.