वणी, शुभम कडू :
यवतमाळ जिल्हा गणित अध्यापक मंडळाच्या अध्यक्षपदी वणीतील राजश्री शाह महाराज हिंदी विद्यालयाचे शिक्षक अभय पारखी यांनी निवड करण्यात आली आहे. रविवार दिनांक २१ जानेवारी २०२४ रोजी यवतमाळ जिल्हा गणित अध्यापक मंडळाच्या कार्यकारिणीची सर्वसाधारण सभा यवतमाळ जिल्हा शालेय कर्मचारी सहकारी पतसंस्थेच्या सभागृहात पार पडली.
विविध कार्यक्रम राबवणार - अभय पारखी गणित हा विषय रंजक असला तरी विद्यार्थ्यांना तो किचकट वाटतो. त्यामुळे जिल्ह्यातील प्रत्येक विद्यार्थ्यापर्यंत गणित सोप्या व प्रभावी पद्धतीने पोहोचवण्याकरिता भविष्यात विविध कार्यक्रम राबवले जाईल. अशी प्रतिक्रिया नवनिर्वाचित अध्यक्ष अभय पारखी यांनी दिली.
यावेळी मार्गदर्शक म्हणून विनोद संगीतराव, विजय विसपुते, प्रदीप जतकर, अनिस खान, गजानन चिंतावार, नागोराव चौधरी, सतीश काळे, राजेश पोटे यांची निवड करण्यात आली. सभेचे प्रास्ताविक व सूत्रसंचालन विजय विसपुते यांनी केले. नवनियुक्त कार्यकारणीचे गुलाब पुष्प देऊन स्वागत करण्यात आले. याप्रसंगी उपस्थित मान्यवरांनी आपले मनोगत व्यक्त केले. उपस्थितांचे आभार सतीश काळे यांनी मानले.
