वणी/प्रतिनिधी : शहरालगत असलेल्या लालगुडा ग्रामपंचायत हद्दीत येणाऱ्या हिराणी ले-आऊट, पटवारी कॉलनी येथील एका राहत्या घरी चोरट्यांनी चोरीचा डाव साधला यामध्ये ८६ हजार रुपयाचा मुद्देमाल लंपास केल्याची घटना दि. २९ ऑगस्टला सकाळी ५.३० वाजताच्या सुमारास उघडकीस आली. कुटुंबातील सदस्य घरातच झोपलेले असताना अज्ञात चोरट्याने चोरीचा डाव साधला. याबाबत प्रवीण मुलींधर ताजने (३५) यांनी पोलिस स्टेशनला तक्रार नोंदविल्याने पोलिसांनी अज्ञात चोरट्यांविरुद्ध गुन्हा दाखल केला आहे. पहाटे २.३० ते ५.३० वाजताच्या दरम्यान चोरट्यांनी घरात शिरून चोरी केल्याचे प्रवीण ताजने गांनी तक्रारीत म्हटले आहे. कपाटातील लॉकरमध्ये ठेवलेले सोन्याचे मनी, डोरले असलेली काळी पोत वजन १० ग्राम कि. ३० हजार रुपये, सोन्याच्या तारात विणलेली सोन्याचे मणी असलेली पोत वजन १२ ग्रा. कि. ३८ हजार ५ ग्रामची सोन्याची अंगठी कि. १२ हजार रुपये, अर्धा ग्रामचे दोन सोन्याचे लॉकेट कि. १५०० रुपये), एटीएम, आधारकार्ड व रोख ४ हजार ५०० रुपये असा एकूण ८६ हजार रुपयाचा मुद्देमाल चोरट्यांनी लंपास केला. याबाबत प्रवीण ताजने यांनी पोलिस स्टेशनला तक्रार नोंदविल्याने पोलिसांनी अज्ञात चोरट्यांविरुद्ध भादंविच्या कलम ४५७, ३८०, ५११ नुसार गुन्हा दाखल केला आहे.
