नगरपरिषदेची निवडणूक जाहीर होताच शहरात राजकीय हालचालींना वेग आला आहे. विविध पक्षांकडून संभाव्य उमेदवारांच्या चर्चा सुरू असून, अनेक प्रभागांत नव्या चेहऱ्यांनी निवडणुकीच्या तयारीला सुरुवात केली आहे. प्रभाग क्रमांक १० मध्ये मीनाक्षी राजू साठे यांनी निवडणूक लढविण्याची तयारी सुरू केली असून, त्यांनी मतदारसंघातील जनसंपर्क मोहिमेला प्रारंभ केला आहे.
साठे या गेल्या काही वर्षांपासून सामाजिक क्षेत्रात कार्यरत असून, परिसरातील महिला आणि युवकांशी त्यांचा चांगला संपर्क आहे. निवडणुकीच्या पार्श्वभूमीवर त्या नागरिकांशी संवाद साधत, त्यांच्या अडचणी आणि अपेक्षा जाणून घेत आहेत. सध्या मीनाक्षी साठे कोणत्या पक्षाच्या तिकिटावर निवडणूक लढवणार आहेत, हे स्पष्ट झालेले नाही. काही सूत्रांच्या माहितीनुसार, त्या अपक्ष उमेदवार म्हणून निवडणूक लढविण्याचाही पर्याय खुले ठेवत आहेत. अंतिम निर्णय लवकरच जाहीर होण्याची शक्यता आहे.
प्रभाग क्रमांक १० हा वणी नगरपरिषदेतील एक महत्त्वाचा प्रभाग असून, येथे मूलभूत सुविधांबाबतच्या विविध प्रश्नांवर नागरिकांत चर्चा सुरू आहे. या पार्श्वभूमीवर येथील निवडणूक रंगतदार होण्याची चिन्हे दिसत आहेत. साठे यांच्या प्रचाराच्या प्रारंभीच प्रभागात चर्चेला उधाण आले असून, पुढील काही दिवसांत त्यांच्या उमेदवारीची अधिकृत घोषणा होताच राजकीय समीकरणे स्पष्ट होण्याची अपेक्षा आहे.
टिप्पणी पोस्ट करा
0 टिप्पण्या