वणीच्या मतदारांचे लक्ष प्रभाग ३ कडे – प्रत्येक मत ठरेल निर्णायक!

वणी :

           नगर परिषद सार्वत्रिक निवडणूक–२०२५ च्या पार्श्वभूमीवर प्रभाग क्रमांक ३ अ आणि ३ ब मध्ये तीव्र राजकीय चुरस पाहायला मिळत आहे. विविध पक्षांचे दमदार उमेदवार मैदानात उतरले असून प्रतिष्ठेची आणि अस्तित्वाची लढत अधिकच रंगात आली आहे. स्थानिक प्रश्न, पक्षीय equations आणि मतदारसंघातील जातीय-सामाजिक रचना या सर्व घटकांमुळे हा प्रभाग संपूर्ण निवडणुकीचे चित्र निश्चित करू शकतो, अशी राजकीय वर्तुळात चर्चा आहे.

📌 प्रभाग ३ अ – काट्यावरची लढत

     या प्रभागातून तीन समर्थ उमेदवार रिंगणात - 

अश्विनी विनोद खापणे – शिवसेना (उद्धव बाळासाहेब ठाकरे गट)

शुभांगी रविंद्र ठेंगणे शिवसेना

वैशाली विनोद वातीले – भारतीय जनता पार्टी

    एकाच शिवसेनेचे दोन गट आणि भाजपचा प्रत्ययकारी दम, यामुळे वर्गणी विभागणी व महिला मतदारांचे equation निर्णायक ठरणार आहे. स्थानिक पातळीवरील विकासकामे आणि संघटनांची पकड हा मुख्य मुद्दा ठरणार आहे.

📌 प्रभाग ३ ब – पाच पक्षांचा बहुकोनी संघर्ष

      या प्रभागात पाच प्रमुख उमेदवार रिंगणात - 

लक्ष्मण महादेव उरकुडे – भाजप

जगन पुरुषोत्तम खंडाळकर – शिवसेना

प्रदीप दामोदर सुंकुरवार – आम आदमी पार्टी

अभिजित अरुण सातोकर – शिवसेना (उ.बा.ठा.)

अनिकेत अनिल चामाटे – राष्ट्रवादी काँग्रेस (शरद पवार गट)

            येथे शिवसेनेचे दोन गट, राष्ट्रवादीची तरुण उमेदवारांवरची बाजी, भाजपची संघटनशक्ती व ‘आप’चा पर्याय—या सर्वांनीच मुकाबला अधिक चुरशीचा बनवला आहे. विभाजित मतांचा लाभ कोणाला मिळणार? हा कळीचा प्रश्न आहे.

📌 मतदारांचा मूड, बदल हवा की स्थैर्य?

       स्थानिक पातळीवर पाणी, रस्ते, स्वच्छता, महिलांसाठी सुविधा, युवकांसाठी रोजगार या प्रश्नांवर प्रचार झंझावात सुरू असून मतदार अत्यंत जागरूक भूमिका घेत असल्याचं स्पष्ट होत आहे. कोणाचाही विजय सहज नाही — प्रचारात जास्त वेग, मते एकवटण्याची क्षमता आणि booth स्तरावरील व्यवस्थापन हे निर्णायक ठरणार आहे.

📌 प्रभाग ३ – कोण मारणार बाजी ?

        प्रभाग ३ अ आणि ३ ब मध्ये राजकीय समीकरणे सतत बदलत आहेत. स्थानिक पातळीवरील छोटे बदलही निकाल उलथवण्याची क्षमता ठेवतात. त्यामुळेच राजकीय तज्ञांच्या मते,

      “हा प्रभाग संपूर्ण नगरपरिषदेच्या सत्तेच्या समीकरणात निर्णायक ठरेल.”