वणी :
वणी नगरपरिषदेच्या सन २०२५ मधील सार्वत्रिक निवडणुकीसाठी आरक्षण सोडत आज बुधवार, दिनांक ८ ऑक्टोबर २०२५ रोजी सकाळी १० वाजता तहसिल कार्यालयातील महसुल भवनात पार पडली. या सोडतीतून नगरपरिषदेतील विविध प्रभागांसाठी आरक्षण निश्चित करण्यात आले.
या प्रक्रियेद्वारे अनुसूचित जाती (महिला), अनुसूचित जमाती (महिला), नागरिकांचा मागासवर्ग प्रवर्ग (महिला) तसेच सर्वसाधारण (महिला) अशा गटांसाठी आरक्षण निश्चित करण्यात आले असून, नगरपरिषदेच्या आगामी निवडणुकीचा पाया आजच्या सोडतीतून ठरला.
📌 राजकीय हालचालींना वेग :-
सोडतीचा निकाल जाहीर होताच संभाव्य उमेदवार व पक्षांमध्ये उत्सुकतेचे वातावरण निर्माण झाले. काही प्रभागांतील आरक्षण बदलांमुळे राजकीय समीकरणांमध्ये बदल घडण्याची शक्यता व्यक्त केली जात आहे.
आगामी निवडणुकीसाठी स्थानिक स्तरावर पक्षीय रणनीती आखण्यास सुरुवात झाली असून, पुढील काही दिवसांत राजकीय वातावरण अधिक तापण्याची चिन्हे दिसत आहेत.
